වාසුගේ ආදර්ශය සහ සමාජවාදය

රටේ දේශපාලනය වල් වැද්දවීමට මේ දිනවල පුහු සමසමාජ කාරයින් උත්සාහ ගනිමින් සිටී. මොවුන්ගේ ප්‍රධාන අරමුණ අන් කිසිවක් නොව කාල් මාක්ස් ලා ලෙනින් ලා මාර්කට් කොට පාර්ලිමේන්තුවට රිංගා ජනතාව ගොනාට ඇන්දවීමයි. ලංකාවේ සමාජවාදය ගැන කතා කරන බොහොමයක් සමසමාජකාරයින් හොර රහසේ ධනවාදය අගය කරති. තරුණ කාලයේ තරුණ හයියට සහ තරුණ ජවයට සමාජවාදය අධ්‍යයන කොට ඊට මුල් බැස ගත්තද, අද උන් එකෙක්වත් සමාජවාදී ප්‍රතිපත්ති ක්‍රියාත්මක කරනු පෙනෙන්නට නැත. ලංකා පාර්ලිමේන්තුවේ බොහොමයක් මන්ත්‍රී ලා ඇමතිලා, මාක්ස්ලාගෙ තියරිය කියවා පාර්ලිමේන්තු ආ පසු ධනවාදය වැළඳ ගෙන ඇති අයුරු උදාහරණ සමග පෙන්වීම හැකියාව ඇතත් රන්ජාට මෙන් නඩු හබ වලට පැටලීමට මාගෙ ඇති අකමැත්ත නිසාවෙන් මා මේ පිළිබඳව කතා කිරීම පසුවට කල් තබමි.

වාසුදේව හිටපු සහෝදරයා කියන පරිදි ඔහු විසින් අග්‍රාමාත්‍යවරයා ට කුණුහර්පෙන් බැණවැදීම වරදක් නොවේ. මන්ද යත් ඔහු ඒ කුණුහර්පය කියා නැත. කියවී ඇත. මෙවන් වූ ජාතියට විහිලු සපයන පුහු සමසමාජකාරයින් තවත් රටට අවශ්‍යද? මීට පිළිතුර ඊළඟ මහ ඡන්දයේදී ඔබට ලබා දිය හැක.

පාසලේදී විදුහල්පතිතුමාට හෝ ගුරු භවතෙක්ට ඇසෙන පරිදි ඇට්ටර කොල්ලෙක් කුණු හර්පයක් කීවෝතින්, ඌට තරවටු කිරීමට අදාල ගුරු භවතාට දැන් අයිතියක් නැත. මන්දයත් වාසුදේව තියරිය යොදා කොල්ලාට එම කුණුහර්පය තමාට කියවුණ බව පවසා නිදොස් වීමට හැක.

හිටපු සහෝදරයා ට ඡන්දයකදී තනියෙන් තරඟ වැද ජයගැනීමට නොහැක. ඒ බව රූපවාහිනී වැඩසටහනකදී ඔහුම පිළිගෙන ඇත. ඒ බව දන්නා නිසාමදෝ ඔහුට ඊළඟට  මහ ඡන්දයේදී පාර්ලිමේන්තුවට  රිංගා ගැනීමට  හොඳම විදිය පරාජිත ජනාධිපති මහින්ද ට ජැක් එක ගැසීමයි.
එහෙම බලන විට වාසු සහෝදරයාට කළ යුත්තේ අන් කිසිවක් නොව, සමස්ථ  මහ ජනයා අනුකම්පා කිරීමයි. ඒ මන්ද යත්, ඔහු දේෂපාලනය අනාථයෙක් වී ඇති නිසාවෙනි.